हेटौंडा – मकवानपुरको बकैया गाउँपालिकामा एक युवकले आफ्नै पेटमा खुकुरी प्रहार गरेका छन् । बकैंया गाउँपालिका वडा नं.९ भुर्तेलडाँडा बस्ने २२ बर्षीय संजिव थिङले आफ्नै पेटमा खुकुरी प्रहार गरेको जिल्ला प्रहरी कार्यालय मकवानपुरले जनाएको छ ।

प्रहरीका अनुसार उनले शनिबार अपह्रान्न ४ बजेर ३५ मिनेटको समयमा आफ्नै घरभित्र पेटमा खुकुरी प्रहार गरेका हुन् । खुकुरी प्रहारबाट उनी प्रहारबाट गम्भीर घाइते भएका छन् । उनको काकाले इन्द्र बहादुरले देखेपछि उनलाई जनप्रतिनिधि, प्रहरी, स्थानीयको सहयोगमा उद्धार गरी हेटौंडा अस्पताल ल्याईएको थियो ।

Advertisement:

उनको हेटौंडा अस्पतालमा उपचार सम्भव नभएपछि पुरानो मेडिकल कलेज चितवनमा रिफर गरिएको प्रहरीले जनाएको छ । प्रहरीका अनुसार उनले खुकुरी प्रहार गर्नुको कारण खुलेको छैन । घटनाबारे अनुसन्धान भइरहेको प्रहरीले जनाएको छ ।

• #खुकुरी प्रहार