अध्यादेश ल्याएर भएपनि प्रदेशलाई अधिकार दिनु पर्ने समाजवादी मोर्चाको सुझाब
![Samjbadi-morcha](https://www.tatokhabar.com/wp-content/uploads/2023/12/Samjbadi-morcha.jpg)
तातोखबर, काठमाडौँ : समाजवादी मोर्चाले आफ्नो काम कारवाहीको समीक्षा गरेको छ । आज बालुवाटारमा बसेको बैठकले मोर्चाले सातै प्रदेशमा गरेका भेलाहरु उत्साहपूर्वक रुपमा सम्पन्न भएको निष्कर्ष निकालेको जनता समाजवादी पार्टीका नेता राजेन्द्र श्रेष्ठले जानकारी दिएका छन् ।
मोर्चा, नेपालले संघीयता, लोकतन्त्र र धर्मनिरपेक्षताका विषयमा उठेका भ्रमहरूलाई चिर्न देशको प्रमुख सहरहरूमा कार्यक्रम गर्ने भएको हो ।
बैठकमा मोर्चाकै घटक नेकपा महासचिव नेत्रविक्रम चन्द विप्लवसहितका नेताविरुद्ध जारी भएको पक्राउ पूर्जीबारे छलफल भएको छ। बैठकमा विप्लवले सरकारको यो कदमको विरोध गरेका छन् । बैठकपछि पत्रकारहरुसँग कुराकानी गर्दै विप्लवले सरकारले सहमति र घेराबन्दी गर्ने चित्र देखाएको आरोप लगाए ।
उनका अनुसार आजै साँझ ६ बजे फेरि अर्को बैठक बस्नेछ । सो बैठकले पक्राउ पुर्जीसहित थप राजनीतिक विषयमा निर्णय गर्ने छ । बैठकमा समाजवादी मोर्चामा आवद्ध दलका शीर्ष नेताहरुको सहभागिता थियो ।
गत असार ४ गते नेकपा माओवादी केन्द्र, जसपा, एकीकृत समाजवादी र विप्लव नेतृत्वको नेकपाका शीर्ष नेताहरुले समाजवादी मोर्चा गठन गरेका थिए ।
मोर्चा गठनको औचित्यबारे जानकारी दिने भन्दै सातै प्रदेशमा सभा गरे पनि त्यसयता भने मोर्चा निष्कृय प्राय छ ।
![](https://www.tatokhabar.com/wp-content/uploads/2023/10/daju-bhai-ad-1.gif)