नेपाल सुपर लिगको पहिलो खेलमा पोखरा थण्डर्स र धनगढी एफसीबीच प्रतिस्पर्धा



तातोखबर, काठमाडौं : नेपाल सुपर लिग (एनएसएल) मा शुक्रबार दुई खेल हुँदैछ। दशरथ रंगशालामा दिउँसो १ बजे शुरु हुने पहिलो खेलमा पोखरा थण्डर्स र धनगढी एफसीबीच प्रतिस्पर्धा हुनेछ।

शीर्ष स्थानको पोखरा सात खेलबाट १४ अंक सहित तालिकाको शीर्ष स्थानमा छ। यो खेलमा जित निकालेमा ऊ सोझै फाइनल पुग्नेछ।

सात खेलबाट १२ अंक सहित धनगढी लिग तालिकाको दोस्रो स्थानमा छ । ऊ पोखरालाई हराउँदै शीर्ष स्थानमा उक्लिन चाहन्छ। धनगढी पोखरासँगै पहिलो क्वालिफायर पक्का गर्न दाउमा हुनेछ ।

दशरथ रंगशालामै हुने अपराह्न ५ बजे शुरु हुने दोस्रो खेलमा झापा एफसी र एफसी चितवन भिड्नेछन् ।

चौथो स्थानको झापा शुक्रबारको खेलमा जित निकाल्दै प्लेअफमा स्थान सुरक्षित गर्न चाहन्छ । यो खेल जितेर उसलाई शीर्ष चारमा स्थान पक्का गर्ने अवसर छ ।

तालिकाको पुछारमा रहेको चितवन प्रतियोगिताको सुखद अन्त्य गर्ने प्रयासमा रहनेछ । उसको दाउ झापालाई प्लेअफ खेल्नबाट रोक्नु पनि हुनेछ ।



प्रतिक्रिया दिनुहोस !
ताजा
सम्बन्धित खबरहरु

काठमाडौं, १३ फागुन/ निर्वाचन आयोगले संघीय संसद र प्रदेश सभाको रिक्त रहेका एक एक पदका लागि उपनिर्वाचनको मिति तोकेको छ

काठमाडौं : आईसीसी क्रिकेट विश्वकप लिग–२ अन्तर्गत त्रिदेशीय शृंखलामा नेपालले नेदरल्यान्ड्सविरुद्ध छैटौँ विकेट गुमाएको छ। भीम सार्की ८ बल खेल्दै शून्यमा आउट

तातोखबर, काठमाडौं / संघीय संसदअन्तर्गत प्रतिनिधिसभा बैठक आज बसिरहेको छ। बिहान ११ बजे सुरु भएको आजको बैठकमा एउटामात्रै व्यवस्थापकीय कार्यको