चितवन – चितवनको भरतपुर महानगरपालिका–२९ जुगेडी पुल छेउमा सोमबार दिउँसो यात्रुबहाक बसको ढोकाबाट लडेर एक जनाको मृत्यु भएको छ ।

मृत्यु हुनेमा पाल्पा अर्गेनी घर भएका २६ वर्षीय अशोक भट्टराई रहेको जिल्ला प्रहरी कार्यालय चितवनले जनाएको छ ।

Advertisement:

प्रहरीका अनुसार, बुटवलबाट काठमाडौँतर्फ जाँदै गरेको लु.२ ख १७७८ नम्बरको बसको ढोकाबाट लडेर भट्टराई गम्भीर घाइते भएका थिए । घाइते उनको नयाँ मेडिकल कलेज भरतपुरमा उपचारको क्रममा मृत्यु भएको हो ।

प्रहरीले बस चालकलाई नियन्त्रणमा लिई घटनाको बारेमा आवश्यक अनुसन्धान गरिरहेको जनाएको छ ।

• #बसबाट लडेर
• #मृत्यु