हेटौंडा- मकवानपुर जिल्लामा पहिलो पटक खुल्ला ६ ए साईड क्रिकसल प्रतियोगिता हुने भएको छ । हिन्दूहरुको महान चाड विजयादशमी, शुभ दीपावलीको पावन अवसरमा हेटौंडा वडा नम्वर ४ को आयोजनामा यही असोज २८ र २९ गते हेटौंडामा क्रिकसल प्रतियोगिता हुन लागेको हो । सोमबार  पत्रकार सम्मेलनको आयोजना गरी प्रतियोगिताको बारेमा जानकारी दिएको थियो ।

‘हेटौंडा ४ नम्वर वडाले विभिन्न क्षेत्रमा नयाँ कार्यक्रमहरु गर्दै आइरहेको छ ।’ हेटौंडा ४ का वडाध्यक्ष नवीन सिग्देलले भने –‘क्रिकेट खेललाई प्रबद्र्धन गर्ने उद्देश्यले जिल्लामा पहिलो पटक क्रिकसल प्रतियोगिता आयोजना गर्न लागेका छौँ । प्रतियोगिता हेटौंडाको फुटसल मैदानमा हुनेछ।’

Advertisement:

प्रतियोगितामा २५ वटा क्लवको सहभागीता रहने कार्यक्रम संयोजक निरज सिंह ठकुरीले जानकारी दिए । प्रतियोगिताको प्रत्येक टिमबाट ६ जना खेलाडी समावेश हुनेछन् । प्रतियोगितामा प्रथम, द्वितीयहुनेले क्रमश : नगद २५ हजार, १५ हजार रुपैयाँ शिल्ड मेडल र प्रमाणपत्र प्राप्त गर्नेछन् । दुईदिन सम्म सञ्चालन हुने प्रतियोगिताको खर्च १ लाख ५० हजार रुपैयाँ रहेको छ ।

• #क्रिक्सल
• #हेटौंडा उपमहानगरपालिका