बार्सिलोनाले सेल्टा भिगोलाई ३-२ गोलले हरायो

तातोखबर, म्याड्रिड। स्पेनिस ला लिगा फुटबलमा शनिवार राती साबिक विजेता बार्सिलोनाले सेल्टा भिगोलाई ३-२ गोलले हराएको छ ।

अन्तिम १० मिनेट अघिसम्म २-० गोलले पछाडि रहेको बार्सिलोनालाई जिताउन रोबर्ट लेवान्डोस्कीले २ र कान्सेलोले एक गोल गरे । सेल्टा भिगोले १९ र ७६ औँ मिनेटमा गोल गरेको थियो ।

Advertisement:

लेवान्डोस्कीले ८१ र ८५ औँ मिनेटमा गोल गर्दै खेल बराबरीमा ल्याएका थिए । कान्सेलोले ८९ औँ मिनेटमा गोल गर्दै बार्सिलोनालाई अग्रता दिलाएपछि सेल्टा भिगो स्तब्ध बनेको थियो ।

६ खेलबाट १६ अंक भएको बार्सा अंक तालिकाको शीर्षस्थानमा छ ।

६ खेलबाट १६ अंक भएको गिरोना दोस्रो र ५ खेलबाट १५ अंक भएको रियल म्याड्रिड तेस्रो स्थानमा छ । अर्को खेलमा गिरोनाले मालोर्कालाई ५-३ गोलले हरायो ।

प्रतिक्रिया दिनुहोस् :

itlization-information-technology-seo-mobile-application