मनाङद्वारा आर्र्मी १–० गोल अन्तरले पराजित

काठमाडौं, २० वैशाख / शहिद स्मारक ए डिभिजन लिगमा मनाङ मस्र्याङ्दी क्लबले नेपाल आर्मीलाई पराजित गरेको छ । लिगमा यसअघि ७ खेलमा लागतार हार व्यहोरेको मनाङले आज भएको खेलमा नेपाल आर्मीलाई सून्यको विरुद्ध १ गोलले पराजित गरेको हो ।
मनाङका लागि तिमोथी कुडोले इन्जुरी समयमा गोल गरेका हुन् । आठौं खेलमा पहिलो जित हात पारेको मनाङले लगातार ६ खेल हारेको थियो । मनाङले लिगमा लगातार हारेपछि मनाङका प्रशिक्षक किरण श्रेष्ठले राजिनामा दिएका कारण मनाङ आज प्रशिक्षक बिना नै मैदानमा उत्रिएको थियो ।
मनाङको टच लाइन गोल किपर प्रशिक्षक प्रविण श्रेष्ठले सम्हालेका थिए । यो जितसँगै मनाङ १४ खेलबाट १८ अंक बटुल्दै तालिकाको छैटौं स्थानमा उक्लिएको छ । पाँचौ स्थानमा रहेको आर्मीको भने १४ खेलबाट २० अंक छ ।