चितवन, ११ मंसिर । नेकपा एमालेको १० औ महाधिवेशन चितवनको नामा भव्यताका साथ उद्घाटन भएको छ । पार्टीको १० औं महाधिवेशन शुक्रबार चितवनको नारायणगढस्थित नारायणी किनारमा महाधिवेशनको उद्घाटन समारोह समापन गरिएको हो ।
भव्यताका साथ आयोजना गरिएको १० औं महाधिवेशनको विशेष समारोहलाई पार्टीका अध्यक्ष केपी शर्मा ओलीले उद्घाटन गरेका थिए देशभरबाट आएका पार्टीका नेता तथा कार्यकर्ताको सहमागिता रहेको थियो । नेकपा एमालेको उद्घाटन समारोहमा देखिएको विशाल जनसहभागिताले पार्टीको शक्ति प्रदर्शन भएको थियो ।
नेकपा एमालेको १० औं महाधिवेशनको उद्घाटन समारोहको रौनक बढाउन पार्टीका विभिन्न अंगहरु परिचालन गरिएको छ । पार्टीमा आवद्ध कार्यकर्ताहरुले विशाल जुलुश र ¥याली समेत सञ्चालन गर्दै उद्घाटनस्थमा प्रवेश गरेका थिए । बाजागाजा तथा झण्डा र ब्यानहरु बोकेका सहभागीहरु उद्घाटनस्थलमा प्रवेश गर्दा उद्घाटन स्थलमा भव्य स्वागत गरिएको थियो । नारायणीनदीमा रहेको पुलमा समेत दर्शकहरुको भिड लागेको थियो भने देशभरबाट हजारौं पार्टीमा आवद्ध सदस्यहरु तथा पार्टी कार्यकर्ता र नेताहरु चितवन आउँदा हुने सक्ने भिडभाडलाई मध्यनजर गरेर अत्यावश्यक बाहेक सडकहरुमा आवागमन बन्द गरिएको थियो ।
नेकपा एमालेको १० औं महाधिवेशनमा निमन्त्रित विभिन्न दलका नेताहरुले शुभकामना मन्तव्य समेत ब्यक्त गरेका छन् । नेपाली कांग्रेसका सभापति प्रधानमन्त्री शेरबहादुर देउवाले नेकपा एमालेको महाधिवेशनको उद्घाटन समारोहलाई लाई सम्बोधन गर्दै देश र जनतासँग जोडिएका मूल मुद्दामा सबै दलहरुबीच संवाद र सहकार्य हुनु पर्ने बताए । उनले दलहरुबीचको विमतिलाई संविधानले निर्धारण गरेको विधिबाट टुंगो लगाउनुपर्नेमा जोड दिएका थिए ।
त्यसैगरी उक्त समारोहका अतिथिहरु अन्य पार्टीका नेताहरुे पनि शुभकामना मन्तव्य ब्यक्त गरेका थिए । उद्घाटन समारोहलाई नेकपा एमालेका अध्यक्ष केपी शर्मा ओलीले सरकारको आलोचना भन्दा नि राजनीतिक श्रृंखलाहरुमा आफ्नो भूमिकाको चर्चा गरेका थिए ।
