काठमाडौं, ७ मंसिर / वर्षभरीको २४ वटा एकादशीमध्ये महाएकादशी हरिवोधिनी एकादशी आज देशभरीका सनातन धर्मालम्बीहरुद्वरा मनाईदैछ । आषाढ शुक्ल एकादशीमा रोपिएको तुलसीको विशेष पूजा अर्चना गरी हरिवोधिनी एकादशी मनाउने गरिएको हो ।

सामान्य बोलीचालीको भाषामा ठूलो एकादशी मनेर मनाईने हरिवोधिनी एकादशी भक्तहरुले ४ महिना अगाडि आ–आफ्ना आँगनमा रोपिएको तुलसीलाई विष्णु भगवानको रुपमा पूजा गरिदै आएको छ । आँगनमा निर्मित तुलसी मठ सिंगारेर आज तुलसीको पिप्पलसँग विवाह गरिएको स्वरुपमा विशेष पूजा गर्ने परम्परा रही आएको छ ।

Advertisement:

प्राय सबै एकादशीका दिनमा जनस्तरमा सखरखण्ड, पिंडालु आदि कन्दमूल र फलफूल खाने प्रचलन रही आएको छ भने ती खाद्य वस्तुहरु आजको दिनमा प्रसादको रुपमा खाने गरिन्छ । हरिबोधनी एकादशीको दिन काठमाडौं उपत्यकाका चार नारायण –चाँगुनारायण, इचंगु नारायण, विशंखुनारायण र शेषनारायण–लगायत देशभरका विष्णु मन्दिरहरुमा बिहानैदेखि भक्तजनको घुइँचो लागेको छ । काठमाडौंका पशुपतिनाथ र बुढानीलकण्ठ मन्दिरमा पनि आज भक्तजनको घुइँचो छ ।

त्यसैगरी उपत्यका बाहिर देवघाट, रिडी लगायतका क्षेत्रमा पनि एकादशीको मेला लागेको छ । हरिबोधनी एकादशीको अवसरमा गुल्मीका रेसुङ्गा नगरपालिका र गुल्मीदरबार गाउँपालिकाले आज सार्वजनिक बिदा दिएका छन् ।

• #महाएकादशी
• #हरिबोधनी एकादशी