पुुस २८, काठमाण्डौं । आज उच्च अदालत पाटनले बलात्कार अभियोग लागेका क्रिकेटर सन्दीप लामिछानेलाई धरौटीमा रिहा गर्न आदेश दिएको छ, तर लामिछाने विदेश जान भनें नपाउने भएका छन् ।

न्यायाधीश रमेश ढकाल र ध्रुवराज नन्दको इजलासले लामिछानेलाई २० लाख रुपैयाँ धरौटीमा रिहा गर्न आदेश दिएका हुन् । गत भदौ ५ को राति तिलगंगाको एक होटलमा लगेर जबर्जस्ती करणी गरेको भन्दै नाबालिगकाको तर्फबाट भदौ २१ मा प्रहरी वृत्त गौशालामा जाहेरी परेको थियो । जाहेरी दर्ता गरेर नेपाल प्रहरीले अनुसन्धान थालेपछि लामिछाने एक महिनासम्म फरार रहेका थिए । पछि इन्टरपोटलमा पनि उनीविरुद्ध नोटिस जारी गरियो । इन्टरपोलले फ्लोरिडाको एक होटलमा रहेको थाहा पाएर उनलाई लोकेट गरेपछि लामिछाने ‘आत्मसमर्पण गर्ने’ भन्दै फर्किएर नेपाल आएका थिए । लामिछाने असोज २० मा नेपाल आउने क्रममा त्रिभुवन अन्तर्राष्ट्रिय विमानस्थलमा नेपाल प्रहरिले पक्राउ परेको थियो ।

Advertisement: