English

अत्यधिक गर्मीका कारण दाङमा ५ दिन विद्यालय बन्द हुने

तातो खबर तातो खबर
२०८१ जेष्ठ १७
student-writing

तातोखबर, दाङ / जिल्लामा गर्मी बढ्न थालेपछि विद्यालय बन्द गरिएको छ। तुलसीपुर र घोराही उपमहानगरले आज ५ दिन विद्यालय बन्द गर्ने निर्णय गरेका हुन्।

बढ्दो गर्मीलाई मद्देनजर गर्दै जेठ १८ गतेदेखि २२ गतेसम्म सामुदायिक तथा संस्थागत विद्यालय बन्द गर्ने निर्णय भएको छ। तुलसीपुर उपमहानगरका शिक्षा महाशाखा प्रमुख चक्रबहादुर भण्डारीले जेठ २३ गतेदेखि पठनपाठन नियमित हुने जानकारी दिए।

Advertisement:student-writing

यसैगरी शान्तिनगर गाउँपालिकाका विद्यालयहरू ५ दिनसम्म बन्द गर्ने निर्णय गरिएको छ। अत्यधिक गर्मी बढेपछि १८ गतेदेखि २२ गतेसम्मका लागि विद्यालय बन्द गर्ने निर्णय गरेको  गाउँपालिकाका शिक्षा शाखा प्रमुख सुमन पाण्डेले बताए। केही दिनयता अत्यधिक गर्मी बढेपछि पठनपाठनमा समस्या भएपछि विद्यालय बन्द गर्ने निर्णयमा पुगिएको उनले बताए।

यसैगरी जिल्लाका ३ स्थानीय तहले यसअघि २ दिन विद्यालयमा बिदा दिएका छन्। लमही नगरपालिका, राप्ती गाउँपालिका र राजपुर गाउँपालिकाले वैशाख १७ र १८ गते २ दिन विद्यालय बन्द गर्ने निर्णय सार्वजनिक सूचनामार्फत गरेका छन्।

यसैगरी बिहीवार घोराहीमा अधिकतम तापक्रम ४०.२ डिग्री सेल्सियस मापन गरिएको छ। यो तापक्रम २०७० सालदेखिकै उच्च तापक्रम हो। यसअघि २०६९ साल जेठ ३२ गते ४१.० डिग्री सेल्सियस अधिकतम तापक्रम मापन गरिएको थियो। बुधबार अधिकतम तापक्रम ३९.५ डिग्री सेल्सियस पुगेको थियो।

प्रतिक्रिया दिनुहोस् :

तातोखबर

धेरै हेरिएको

सम्बन्धित समाचार

देशभरका शैक्षिक संस्थामा आइतबारदेखि तीन दिन बिदा

आज गुरुपूर्णिमा एवं व्यास जयन्तीपर्व मनाइँदै
sumana-shrestha-education-minister

सुमना श्रेष्ठको स्पष्टीकरण : कुनै पनि देशको पीआर वा नागरिकता लिएको छैन
School_Jaimini_municipality

विद्यार्थी दुई, शिक्षक पनि दुई : हेड सर भन्दछन्- दिन बिताउन साह्रै गाह्रो छ