काठमाडौं / निर्वाचन आयोगले स्थानीय तह उपनिर्वाचनका लागि दल दर्ता गर्न आह्वान गरेको छ।

आयोगले आजदेखि असोज १६ गतेसम्म दल दर्ताका लागि आह्वान गरेको हो।

Advertisement:

निर्वाचन आयोगले संविधानको धारा २७१ र राजनीतिक दलसम्बन्धी ऐनको दफा ४ अनुसार दल दर्ता आह्वान गरेको हो । स्थानीय तहको उपनिर्वाचन मंसिर १६ गते हुने भएको छ।

त्यसका लागि मंसिर २ गते उम्मेदवारी दर्ता गर्ने निर्वाचन आयोगको कार्यसूची छ। स्थानीय तहमा ४१ पद रिक्त छन्। दल दर्ताका लागि निवेदन दिँदा राजनीतिक दलसम्बन्धी नियमावली २०७४ को अनुसूची १२ अनुसारको ढाँचाको निवेदन दिनुपर्ने आयोगले जनाएको छ।

• #उपनिर्वाचन
• #दल दर्ता
• #निर्वाचन आयोग
• #राजनीति
• #स्थानीय तह