काठमाडौं / ग्लोबल आइएमई बैंक लिमिडेट ‘यूरो मनी अवार्ड फर एक्सलेन्स २०२४’ अन्तर्गत बेष्ट बैंक नेपाल र बेष्ट बैंक ईएसजी (वातावरण, सामाजिक र सुशासन) नेपाल विधाबाट सम्मानित भएको छ।

बिहीबार सिंगापुरमा आयोजित समारोहमा यूरो मनी म्यागाजिनका प्रतिनिधिले बैंकका अध्यक्ष चन्द्रप्रसाद ढकाल र प्रमुख कार्यकारी अधिकृत सुरेन्द्रराज रेग्मीलाई अवार्ड हस्तान्तरण गरे।

Advertisement:

ग्लोबल आइएमई बैंक दोस्रो पटक बेष्ट बैंक नेपाल अवार्डबाट सम्मानित भएको हो। यसअघि पनि ग्लोबल आइएमई बैंकले ‘यूरो मनी अवार्ड फर एक्सलेन्स २०२२ अन्तर्गत बेष्ट बैंक नेपाल’ प्राप्त गरेको थियो ।

सन् १९९२ मा यूरो मनी म्यागजिनद्वारा स्थापित यो अवार्ड बैंकिङ क्षेत्रको एक प्रतिष्ठित अवार्ड हो। युरो मनी म्यागजिन बैंकिङ क्षेत्रको गहकिलो विश्लेषण, सुझाव र समालोचनाका लागि प्रख्यात रहेको छ।

बैंकले अहिलेसम्म बैंक अफ द इयर २०१४, बेष्ट इन्टरनेट बैंक २०१६, बेष्ट बैंक अवार्ड २०२४ र बेष्ट इम्प्लोयर जस्ता प्रतिष्ठित अवार्ड बैंकले प्राप्त गरेको छ।

• #ग्लोबल आइएमई बैंक
• #बेष्ट बैंक
• #यूरो मनी अवार्ड फर एक्सलेन्स २०२४
• #यूरो मनी म्यागाजिन