कास्की / पोखरामा विद्यार्थी बोकेको स्कुल बस दुर्घटना भएको छ । पोखरा-१७ पार्दी बिरुवामा रहेको एल.पी. देवकोटा मेमोरियल स्कुलका विद्यार्थी बोकेको स्कुल बस दुर्घटनामा परेको हो।

उक्त दुर्घटनामा २ जनाको घटनास्थलमै मृत्यु भएको छ । ज्यान गुमाउनेमा सोहि स्कुलमा आध्यनरत ६ बर्षका प्रिन्स बि.क र सोहि स्कुलका कार्यालय सहयोगी रहेको जिल्ला प्रहरी कार्यालय कास्कीका प्रमुख सूचना अधिकारी डिएसपी बसन्त कुमार शर्माले तातोखबरलाई जानकारी दिएका छन् ।

Advertisement:

२६ जना सवार रहेको उक्त बसमा सवार १ शिक्षिका घाइते रहेको र अन्यको अवस्था सामान्य रहेको शर्माले बताए । बस मोडिने क्रममा दुर्घटना भएको हुनसक्ने यसबारे थप अनुसन्धान भैरहेको उनले बताए ।