९ वर्षीय विद्यार्थी कुट्ने शिक्षक पक्राउ
तातो खबर
कास्की / विद्यार्थीलाई कुटपिट गरेको अभियोगमा पोखरा महानगरपालिका-३२ स्थित युनिभर्स इङलिस बोर्डिङ स्कुलका शिक्षक पक्राउ परेका छन्।
जिल्ला प्रहरी कार्यालय कास्कीका सूचना अधिकारी प्रहरी नायब उपरीक्षक वसन्त कुमार शर्माका अनुसार कास्कीकै रूपा गाउँपालिका-५ का ३२ वर्षीय शिक्षक सुदीप अधिकारी पक्राउ परेका हुन्।
अधिकारीले गत जेठ १३ गते कक्षा ५ मा अध्ययनरत ९ वर्षीय बालकलाई गृहकार्य नगरेको र अक्षर नराम्रो भएको भनी बालकको शरीरको पछाडिको भागमा लट्ठीले प्रहार गरी घाइते बनाएको जाहेरी प्रहरीमा परेको छ।
सोही जाहेरीको आधारमा जिल्ला प्रहरी कार्यालय कास्कीबाट खटिएको प्रहरी टोलीले गत जेठ २० गते शिक्षक अधिकारीलाई पक्राउ गरेको हो। कास्की जिल्ला अदालतबाट बालबालिका सम्बन्धी ऐन, २०७५ को दफा ६६ अन्तर्गतको कसुरमा पाँच दिन म्याद थप गरी अनुसन्धान प्रक्रिया अघि बढाएको प्रहरी नायव उपरीक्षक शर्माले बताए।
यो कसुरमा एक वर्षसम्म कैद र ५० हजार रुपैयाँ जरिवाना हुने कानुनी व्यवस्था छ।
प्रतिक्रिया दिनुहोस् :
तातोखबर
धेरै हेरिएको
-
आत्महत्या गरेका देवकोटालाई नेपाल इन्भेष्टमेन्ट मेगा बैंकमा उपस्थित हुन ३५ दिने सुचना
-
बैंकका अपरेशन इन्चार्जमाथि प्रभु बैंक गण्डकी प्रदेश अधिकृतको हातपात
-
चन्द्रागिरि हिल्स : धर्मको नाममा लुट्ने मेसो, भालेश्वर मन्दिर दर्शन गर्न कम्तिमा १०० तिर्नुपर्ने
-
तत्कालिन सेञ्चुरी बैंक ऋण दुरुपयोग, प्रभु उच्च व्यवस्थापनको छुट्टै खेल
