NTC App - Ad

मकवानपुरको जुरिखेतमा कार दुर्घटना हुँदा ३ जनाको मृत्यु

मकवानपुर / मकवानपुरको भीमफेदी गाउँपालिका जुरिखेतमा कार दुर्घटना हुँदा  ३ जनाको मृत्यु भएको छ। हेटौँडा-भैँसे-भीमफेदी-काठमाडौँ सडकखण्डको भीमफेदी ६ जुरिखेतमा कार सडकबाट २५० मिटर तल खसेको थियो। सो दुर्घटनामा दुई बालिकासहित तीन जनाको मृत्यु भएको मकवानपुर प्रहरीले जनाएको छ ।

काठमाडौँबाट हेटौँडातर्फ जाँदै गरेको बा ६ च ९३७९ नम्बरको कार बुधबार अपराह्न अनियन्त्रित भई सडकबाट २५० मिटर तल खस्दा ५ जना घाइते भएको जिल्ला प्रहरी कार्यालय मकवानपुरले जानकारी दिएको छ। घाइते ५ जना मध्ये तीन जनाको उपचारका क्रममा हेटौँडामा ज्यान गएक प्रहरीले जनाएको छ ।‌

Advertisement:

मृत्यु हुनेमा मकवानपुर मनहरी-८ बेलुवा २६ वर्षीय अर्जुन नेपाली र उनका ३ महिनाकी छोरी अर्जिता रहेकी छिन् । मृतक एक जनाको भने सनाखत हुन सकेको छैन । घाइतेहरूको हेटौडास्थित मकवानपुर सहकारी अस्पतालमा उपचार भइरहेको छ ।

Daju Bhai Sweets - Hetauda

प्रतिक्रिया दिनुहोस् :