नेपालले गुमायो आठौँ विकेट
तातो खबर
तातोखबर, काठमाडौं / वेष्ट इण्डिज ‘ए’ विरुद्धको खेलमा नेपालको आठौँ विकेट गुमेको छ। सोमपाल कामी ३ रनमा रन आउट भएका हुन्।
जितका लागि पाएको १६१ रनको लक्ष्य पछ्याउने क्रममा नेपालका आरिफ शेख १२, दिपेन्द्रसिंह ऐरी ३ रन बनाएर आउट भए। यसअघि गुलशन झा २६, लोकेश बम १७, कुशल भुर्तेल २, अनिल साह १ र कुशल मल्ल शून्यमा आउट भएका थिए।
टस जितेर ब्याटिङ रोजेको वेष्ट इण्डिजले सात विकेट गुमाएर १६० रन बनाएको हो।
नेपालका लागि सागर ढकाल र कुशल भुर्तेलले समान दुई दुई विकेट लिएका थिए भने सोमपाल कामी र दिपेन्द्रसिंह ऐरीले नै एकएक विकेट लिए।
कीर्तिपुरस्थित अन्तर्राष्ट्रिय क्रिकेट मैदानमा मैत्रिपूर्ण टी-२० को दोस्रो श्रृङ्खलामा आज दोस्रो खेल भइरहेको छ।
यसअघि शनिबार भएको पहिलो खेलमा नेपाल ४ विकेटले विजयी बनेको थियो।
आगामी जुनमा आयोजना हुने आईसीसी टी–२० विश्वकपको तयारीका क्रममा यो अभ्यास खेल खेल्न लागिएको हो।आईसीसी टी–२० विश्वकपको नवौँ संस्करण आगामी जुन १ देखि २९ तारिखसम्म अमेरिका र वेष्ट इण्डिजमा आयोजना हुँदैछ। आगामी आईसीसी टी-२० विश्वकपमा नेपाल समूह ‘डी’ मा परेको छ।
यो समूहमा दक्षिण अफ्रिका, श्रीलङ्का, बंगलादेश र नेदरल्याण्ड्स छन्। वेष्ट इण्डिज भने टी-२० विश्वकपको समूह ‘सी’ मा रहेको छ। यो समूहमा न्युजिल्यान्ड, अफगानिस्तान, पपुवा न्यूगिनी र युगाण्डा छन्।
यसअघि नेपाल र वेस्ट इन्डिजले एकपटक मात्र अन्तर्राष्ट्रिय क्रिकेट खेलेका छन्। सन् २०२३ मा जिम्बाबेमा सम्पन्न आईसीसी एकदिवसीय विश्वकपको छनोट प्रतियोगिताका क्रममा नेपाल वेष्ट इण्डिजसँग १०१ रनले पराजित भएको थियो।
प्रतिक्रिया दिनुहोस् :
तातोखबर
-
१.
बहुमतको दम्भमा आजै विश्वासको मत लिनु नौलो र दुःखदायी घटना : काँग्रेस
-
२.
राष्ट्रियसभा राजनीतिक समस्या समाधान गर्ने थलोका रूपमा स्थापित हुनुपर्ने : दाहाल
-
३.
कांग्रेस संसदीय दलको आकस्मिक बैठक जारी
-
४.
आवश्यक परे १०-१२ पटक विश्वासको मत लिन्छु : प्रधानमन्त्री
-
५.
बालेनले सार्वजनिक गरे गिरीबन्धुजस्तै जग्गा साट्ने निवेदन दिने केपी ओली ट्रस्टसहित १०१ कम्पनी (नामसहित)
धेरै हेरिएको
