बागमतीका मन्त्रीहरुले राजीनामा दिने तयारी, लुम्बिनीमा माओवादीका मन्त्रीहरू बर्खास्त
![bagmati-lumbini-pradesh-shabha](https://www.tatokhabar.com/wp-content/uploads/2024/03/bagmati-lumbini-pradesh-shabha.jpg)
तातोखबर, लुम्बिनी / लुम्बिनी प्रदेशबाट पनि माओवादीका मन्त्रीहरूलाई बर्खास्त गरिएको छ। बुधबार मुख्यमन्त्री डिल्लीबहादुर चौधरीले माओवादी केन्द्रका दुई मन्त्रीलाई बर्खास्त गरेको जानकारी दिएका छन् । मुख्यमन्त्री चौधरीले अर्थमन्त्री धनबहादुर मास्की राना र शहरी विकास मन्त्री कृष्णा केसी नमुनालाई बर्खास्त गरेका छन् ।
यसअघि केन्द्रको गठबन्धन फेरिएसँगै गण्डकी र सुदूरपश्चिम प्रदेशबाट मंगलबार नै माओवादीका मन्त्रीहरू बर्खास्ती भइसकेका थिए । यी दुई प्रदेशमा माओवादीले सरकारलाई दिएको समर्थनसमेत फिर्ता लिइसकेको छ। बागमती प्रदेशबाट पनि कांग्रेसका मन्त्रीहरूले आजै सामूहिक राजीनामा दिने तयारी गरेका छन् ।
![](https://www.tatokhabar.com/wp-content/uploads/2023/10/daju-bhai-ad-1.gif)