तातोखबर, काठमाडौं / राष्ट्रिय स्वतन्त्र पार्टीका सभापति तथा रवि लामिछानेले किसानको आन्दोलनलाई नजरअन्दाज नगर्न सरकारलाई चेतावनी दिएका छन्।

प्रतिनिधिसभाको बिहीबार बसेको बैठकमा उनले यस्तो बताएका हुन्। उनले देशभरका दूध किसान र मह किसानहरु मारमा पर्दा पाउडर दुध र नक्कली मह विदेशबाट आयात भइरहेको बताएका छन्।

Advertisement:

उनले किसानको आन्दोलनलाई नजरअन्दाज गरे किसानहरुले सरकार ढाल्नेसम्मको सामर्थ्य राख्ने बताए। उनले भूमिहीन सुकुम्वासीहरुलाई चुनावी फण्डका लागि भूमि दिइन्छ भनेर आश्वासन दिने बनाइएको बताए।

चुनावी फण्डा नभई सुकुम्वासी आयोग र भूमि आयोगले विशेष ध्यान दिइ समस्या समाधान गर्नुपर्ने बताए।

उनले भने, ‘मेरो निर्वाचन क्षेत्र र देशभरका दुध किसान र मह किसानहरु मारमा परेका छन् । अर्कोतिर पाउडर दुध र नक्कली मह विदेशबाट आयात भइरहेको छ । किसानको आन्दोलनलाई नजरअन्दाज गरे किसानहरुले सरकार ढाल्नेसम्मको सामर्थ्य राख्दछन्। होशियार रहनुहोला।’

उनले भरतपुर महानगरपालिकाको फोहोर व्यवस्थापन पेचिलो बन्दै गएको पनि बताए।

• #आन्दोलन
• #किसान
• #रवि लामिछाने
• #राष्ट्रिय स्वतन्त्र पार्टी