सिन्धुपाल्चोकमा जीप दुर्घटना हुँदा दुई भुटानी नागरिकको मृत्यु
![](https://www.tatokhabar.com/wp-content/uploads/2022/07/Accident-1.jpg)
काठमाडौँ / सिन्धुपाल्चोकको हेलम्बु गाउँपालिकामा जीप दुर्घटना हुँदा दुई भुटानी नागरिकको मृत्यु भएको छ। दुर्घटनामा पाँचजना घाइते भएका छन्।
भुटानबाट घुम्न आएका पर्यटक चढेको बा २ च ४४५० नम्बरको बोलेरो दोरिङ भीरमा दुर्घटना हुँदा दुई भुटानी नागरिक ३३ वर्षीय अब्गो र ७१ वर्षीया वाङमुको मृत्यु भएको सिन्धुपाल्चोक प्रहरीले जनाएको छ।
जीपमा सवार ७ मध्ये ६ जना भुटानी र एकजना नेपाली नागरिक रहेका थिए। घाइतेहरूलाई थप उपचारका लागि काठमाडौँ पुर्याइएको प्रहरीले जनाएको छ।
![](https://www.tatokhabar.com/wp-content/uploads/2023/10/daju-bhai-ad-1.gif)