ताताेखबर, पाेखरा / आहा-रारा पोखरा गोल्ड कपको २३ औँ संस्करणअन्तर्गत सोमबार मनाङ मर्स्याङ्दी क्लब र जावलाखेल युथ क्लबबीच खेल हुँदै छ। खेल दिउँसो साढे २ बजे शुरु हुनेछ ।

यो संस्करणमा मनाङ मर्स्याङ्दीको यो नै पहिलो खेल हो भने जावलाखेल युथले गत माघ ११ गते भएको खेलमा मच्छिन्द्र फुटबल क्लबलाई पराजित गर्दै क्वार्टर फाइनलमा पुगेको हो ।

Advertisement:

आजको विजेता टोलीले यही समूहमा रहेका आयोजक सहारा क्लब पोखरा र भुटानको पारो फुटबल क्लबलाई पराजित गर्दै अगाडि आएको थ्री स्टार फुटबल क्लबसँग माघ १७ गते प्रतिस्पर्धा गर्नुपर्ने छ ।

यी दुई टोलीको आहा–रारा पोखरा गोल्ड कपको विगतलाई हेर्ने हो भने मनाङ मर्स्याङ्दी क्लबलाई बलियो प्रतिस्पर्धी हो । मनाङ मर्स्याङ्दी क्लब २०६०, २०६१, २०६८, २०७२, २०७३ र २०७६ साल गरेर ६ पटकको उपाधि विजेता टिम हो । जावलाखेल यूथ क्लबले २०६८ मा उपविजेतामा मात्रै चित्त बुझाएको छ। आहा-रारा पोखरा गोल्ड कपमा मनाङ मर्स्याङ्दी क्लबले जसरी नियमित सहभागिता जनाउने गरेको छ त्यसरी जावलाखेल नियमित सहभागी हुने गरेको छैन ।

१२ ‘टिम’ को सहभागी रहेको प्रतियोगिताको फाइनल माघ २० गते दिउँसो १ बजे हुनेछ। यो गोल्डकपको २२ औँ संस्करणको उपाधि संकटा क्लबले जितेको थियो ।

• #आहा-रारा पोखरा गोल्ड कप
• #जावलाखेल युथ क्लब
• #मनाङ मर्स्याङ्दी