छैठाैं स्थानीय तह सहिद स्मृति गाेल्डकप माघ २८ देखि



हेटौंडा – हेटौंडामा छैठौं स्थानीय तह सहिद स्मृति अन्तर्राष्ट्रिय गोल्डकप – २०८० हुने भएको छ।मकवानपुर जिल्ला फुटबल संघको आयोजना तथा सामाजिक विकास मन्त्रालय र १० वटै स्थानीय पालिकाहरुको मुख्य प्रायोजनमा माघ २८ गते देखि फागुन १० गते सम्म प्रतियोगिता हुन लागेको शुक्रबार पत्रकार सम्मेलन गर्दै जिल्ला फुटबल संघ मकवानपुरका अध्यक्ष टीकाराम लामाले जानकारी दिए।

 

“स्वास्थ्यका लागि खेलकुद, राष्ट्रका लागि खेलकुद” भन्ने नाराको साथ गौरिटार रंगशाला हेटौंडा -६ मा हुन गइरहेको खेलकुद प्रतियोगितामा १२ वटा टिम रहने छ। प्रतियोगिता खेलमा फ्रेण्डस क्लब ललितपुर ,हिमालयन शेर्पा क्लब काठमाडौ ,बागमती युवा क्लब सर्लाही ,एन आर टि फुटबल क्लब काठमाडौ , बिरगंज युनाइटेड बिरगंज पर्सा,एमिनिर एफ सि क्याम रुन,मनाङ मर्स्यादी क्लब काठमाडौ ,नव जनजागृती युवा क्लब सिमरा बारा,रिगल रिसोर्ट हेटौंडा मकवानपुर ,सातदोबाटो क्लब ललितपुर , नेपाल ए पि एफ क्लब काठमाडौ र त्रिभुवन आर्मी फुटबल क्लब काठमाडौको टिमको सहभागिता रहने छ।

प्रतियोगितामा प्रथम पुरस्कार १५ लाख,दितिय पुरस्कार १० लाख र सर्वोकृष्ट खेलाडी पुरस्कार बुलेट बाइकको व्यवस्था रहेको छ भने विद्यागत उत्कृष्ट खेलाडी पुरस्कार २५ हजार,म्यान अफ द म्याच १० हजारको साय्है प्रत्येक सहभागी टिमलाई स्थानीय यातायात खर्च एवं दैनिक तथा भ्रमण भत्ता , म्याच एलाउन्स, सिल्ड, मेडल र प्रमाणपत्रको व्यवस्था गरिएको छ।

 

पत्रकार सम्मेलनमा मकवानपुर जिल्ला खेलकुद विकास समितिका अध्यक्ष वेष खड्की , बागमती प्रदेश खेलकुद परिषद सदस्य माधव तिमल्सिना ,बागमती प्रदेश फुटबल महासंघ महासचिव लवराज ठकुरी , मकवानपुर जिल्ला खेलकुद विकास समिति कार्यालय प्रमुख माधव कोइराला लगायतको उपस्थिति रहेको थियो।

प्रतियोगिता गर्ने स्थानको सम्पुर्ण व्यवस्था व्यवस्थापक न्यु डाफे युथ क्लब हेटौंडा -१५ ले गर्ने आयोजक टिमले जानकारी दिएको छ।



प्रतिक्रिया दिनुहोस !
ताजा
सम्बन्धित खबरहरु

काठमाडौं, १३ फागुन/ निर्वाचन आयोगले संघीय संसद र प्रदेश सभाको रिक्त रहेका एक एक पदका लागि उपनिर्वाचनको मिति तोकेको छ

काठमाडौं : आईसीसी क्रिकेट विश्वकप लिग–२ अन्तर्गत त्रिदेशीय शृंखलामा नेपालले नेदरल्यान्ड्सविरुद्ध छैटौँ विकेट गुमाएको छ। भीम सार्की ८ बल खेल्दै शून्यमा आउट

तातोखबर, काठमाडौं / संघीय संसदअन्तर्गत प्रतिनिधिसभा बैठक आज बसिरहेको छ। बिहान ११ बजे सुरु भएको आजको बैठकमा एउटामात्रै व्यवस्थापकीय कार्यको