हेटौंडा – मोटरसाइकल चोरी भएको घटनामा संलग्न रहेको अभियोगमा मकवानपुरका तीन युवक सहित ४ जना पक्राउ परेका छन् । ललितपुरका विभिन्न स्थानबाट गत बुधाबर राति ४ थान मोटरसाइकल चोरी भएको घटनामा संलग्न रहेको अभियोगमा ४ जनालाई बुधबार राति प्रहरीले पक्राउ गरेको हो ।

पक्राउ पर्नेहरूमा मकवानपुर हेटौंडा उपमहानगरपालिका–१३ घर भई काठमाडौं बौद्ध बस्ने बिजय श्रेष्ठ, मकवानपुर हेटौंडा उपमहानगरपालिका–८ बस्ने अमित लामा, हेटौंडा उपमहानगरपालिका–७ घर भई ललितपुर लुभु बस्ने पासाङ लामा र रौतहट चन्द्रनिगाहपुर नगरपालिका–२ घर भई ललितपुर महानगरपालिका–९ बालकुमारी खरिबोट बस्ने पञ्चलाल ब्लोन रहेका छन् ।

Advertisement:

चोरीको अनुसन्धान गर्ने क्रममा मंसिर १३ गते राति ललितपुर महानगरपालिका–१५ खुमलटार हाईटस्थित गल्लीभित्र बा.प्र.०२–०३७ प ०८६२ नम्बरको मोटरसाइकल लुकाई राखेको अवस्थामा फेला पारी चारै जनालाई प्रहरीले पक्राउ गरेको हो । थप सोधपुछको क्रममा उनीहरूको मिलोमतोमा बा.प्र.०२–०३७प०८६२, बा.प्र.०३१ प ५८१४,बा.प्र.०२–०४५ प ९५९२ र बा.८२ प ७१२४ नम्बरको मोटरसाइकल ललितपुर विभिन्न स्थानबाट चोरी भएको खुल्न आएको प्रहरीले जनाएको छ ।

ललितपुर महानगरपालिका–२३ गैरीगाउँ टोलस्थित खाली स्थानमा लुकाई राखेको अवस्थामा फेला पारी ४ वटै मोटरसाइकल प्रहरीले बरामद गरेको हो । उनीहरूको साथबाट मोटरसाइकलको लक तोड्ने मास्टर चाबी, चाबी बिना डाईरेक्ट स्टार्ट गर्ने तारसहितको प्लक र साबुत चाबी १ थान, भाँचिएको चाबी १ थान र हेल्मेट १ थान बरामद भएको प्रहरीले जनाएको छ ।

उनीहरू उपर ललितपुर जिल्ला अदालतबाट चोरी सम्बन्धी कसुरमा म्याद थप अनुमति लिएर आवश्यक अनुसन्धान भइरहेको प्रहरीले जनाएको छ ।

• #पक्राउ
• #मोटरसाइकल चोरी