अन्तरजातीय विवाह गर्ने जोडीलाई एक लाख



मुगुको छायाँनाथ रारा नगरपालिकाकाले अन्तरजातीय विवाह गरेका एक जोडीलाई पोत्साहनस्वरूप एक लाख रुपैयाँ उपलब्ध गराएको छ । छाँयानाथ रारा–१० चरापगाउँका देवीकृष्ण कामीको जोडीलाई नगरपालिकाले प्रोत्साहनबापत एक लाख उपलब्ध गराएको हो ।

सोरु गाउँपालिका–४ लिब्रकी २४ वर्षीया रञ्जिता बुढा र छायाँनाथ रारा नपा–१० का २५ वर्षीय देवीकृष्णा विकबीच दुई वर्षसम्म प्रेम सम्बन्ध थियो । लामो समयको प्रेम सम्बन्धपछि दुवै जनाको सहमतिमा गएको माघ १३ गते विवाह भएको रञ्जिताले बताइन् ।

 

छायाँनाथ रारा नगरपालिकाले १२औँ नगरसभामा दलित नीति पास गर्दै अन्तरजातीय विवाह गर्ने जोडीलाई एक लाख पोत्साहन रकम उपलब्ध गराउने नीति पास गरेको थियो । कर्मचारी र जनप्रतिनिधिले जानकारी दिएपछि मात्र आफूहरूले थाहा पाएको र नगरपालिकामा आवश्यक काजपत्र पेश गरेर विकले बताए ।

नगरपालिकाको १२औँ नगरसभाले पास गरेको दलित नीतिअनुसार आव २०७९/८० साउन १ गतेदेखि लागू हुने गरी नगरपालिकाभित्र अन्तरजातीय विवाह गर्ने जोडीलाई नगरप्रमुख स्वरोजगार कार्यक्रमअन्तर्गत प्राप्त निवेदनअनुसार एक लाख रकम व्यवस्था गरिएअनुसार पहिलोपटक जोडीलाई एक लाख उपलब्ध गराएको छायाँनाथ रारा नगरपालिकाका नगरप्रमुख विष्णुकुमार भामले बताए ।



प्रतिक्रिया दिनुहोस !
ताजा
सम्बन्धित खबरहरु

काठमाडौं, १३ फागुन/ निर्वाचन आयोगले संघीय संसद र प्रदेश सभाको रिक्त रहेका एक एक पदका लागि उपनिर्वाचनको मिति तोकेको छ

काठमाडौं : आईसीसी क्रिकेट विश्वकप लिग–२ अन्तर्गत त्रिदेशीय शृंखलामा नेपालले नेदरल्यान्ड्सविरुद्ध छैटौँ विकेट गुमाएको छ। भीम सार्की ८ बल खेल्दै शून्यमा आउट

तातोखबर, काठमाडौं / संघीय संसदअन्तर्गत प्रतिनिधिसभा बैठक आज बसिरहेको छ। बिहान ११ बजे सुरु भएको आजको बैठकमा एउटामात्रै व्यवस्थापकीय कार्यको