हेटौंडा – मकवानपुरको मनहरीमा ट्याङकरको ठक्करबाट पैदलयात्री गम्भीर घाइते भएका छन्।

बिहिबार साँझ पुर्व-पश्चिम सडक खण्डमा अन्तर्गत मकवानपुर मनहरी- ८ ज्यामिरेमा हेटौडाबाट चितवन तर्फ आउदै गरेको बागमती प्रदेश-०६-००१ख ०१२० नम्बरको तेल ट्याङकरले बाटो काट्दै गरेका पैदल यात्री मनहरी-७ का अन्दाजी ५०/५२ वर्षका बिष्णुहरी पराजुलिलाई ठक्कर दिएको हो। ठक्करबाट पराजुलीको टाउको, खुट्टा र हात चोट रहेको मकवानपुर प्रहरी प्रवक्ता डिएसपी लक्ष्मी भण्डारीले बताएका छन्।
उपचारको लागि मनहरी अस्पताल ल्याईएकोमा पराजुलीको थप उपचारको लागि चितवन तर्फ पठाएको जनाइएको छ । ठक्कर दिने ट्याङकर र ट्याङकर चालक इलाका प्रहरी कार्यालय मनहरीको नियन्त्रणमा रहेको जनाइएको छ ।

Advertisement:

• #दुर्घटना