१२ असोज, काठमाडौं । प्रधानसेनापति प्रभुराम शर्मा पाँच दिवशीय भारत भ्रमण सम्पन्न गरी बिहिबार अपराहन्न स्वदेश फर्केका छन् ।

भारतको नयाँ दिल्लीमा भारतीय सेना र अमेरिकी सेनाको संयुक्त आयोजनामा सम्पन्न तेह्रौँ संस्करणको Indo–Pacific Armies Chiefs Conference (IPACC ) लगायतका कार्यक्रमहरुको सिलसिलामा असोज ७ गते त्यसतर्फ प्रस्थान गरेका थिए । नयाँ दिल्लीमा रहँदा प्रधान सेनापतिले अष्ट्रेलिया, बङ्गलादेश, जापान, संयुक्त राज्य अमेरिका, संयुक्त अधिराज्य बेलायत र भारतका समकक्षीहरुका साथै भारतका चीफ अफ डिफेन्स स्टाफ (CDS) सँग बेग्लाबेग्लै भेटघाट गरेका छन् ।

Advertisement:

प्रधान सेनापति शर्माले नयाँ दिल्ली स्थित National Defense College को भ्रमण गरेका थिए । भ्रमणका क्रममा बिभिन्न मित्रराष्ट्रका समकक्षी लगायतका पदाधिकारीहरुसँगको अन्तर्क्रिरयाबाट मानवीय सुरक्षा लगायतका साझा चासोका बिषयहरुमा अनुभवहरुको आदानप्रदान गर्ने अवसर प्राप्त भएको प्रधानसेनापति शर्माको दाबी छ ।

• ##प्रधानसेनापति
• #भारत भ्रमण