११ असोज, काठमाडौं । चीन भ्रमणमा रहनुभएका प्रधानमन्त्री पुष्पकमल दाहाल ‘प्रचण्ड’ आज कैलाश पर्वत र मानसरोवर जाने कार्यक्रम छ ।
मानसरोवर र कैलाश पर्वत भ्रमणका लागि प्रधानमन्त्री दाहाल हिजो तिब्बतको ल्हासा पुगेका हुन् ।
प्रधानमन्त्री दाहाल कैलाश पर्वतको भ्रमणका लागि आज विहानै ल्हासाको गङ्गा विमानस्थल पुग्ने र तिब्बत एयरलाइन्सबाट त्यसतर्फ प्रस्थान गर्ने कार्यक्रम रहेको छ ।
कैलाश पर्वत र मानसरोवरको यात्राका क्रममा चीन भ्रमण दलमा रहेका सदस्यहरू पनि सँगै रहने छन् ।
प्रधानमन्त्री दाहालले हिजो ल्हासामा विभिन्न द्विपक्षीय भेटघाट र निरीक्षण अवलोकन गरेका थिए । प्रधानमन्त्री दाहाल अमेरिकाको भ्रमण सम्पन्न गरी गत शनिबार चीन पुगेका हुन् ।
