मकवानपुर – मकवानपुरको बकैया गाउँपालिका वडा नम्वर ११ खोरभन्ज्याङमा बुधबार बिहान मोटरसाइकल दुर्घटना हुँदा एक जनाको मृत्यु भएको छ भने एक जना घाइते भएका छन् ।

जितपुरभन्ज्याङबाट चपकी खानीतर्फ जाँदै गरेको ना ५१ प ५०४१ नम्बरको मोटरसाइकल बिहान बकैया–१२ खोरभन्ज्याङस्थित आँफै अनियन्त्रित भइ दुर्घटना हुँदा एक जनाको मृत्यु भएको प्रहरीले जनाएको छ ।

Advertisement:

मृत्यु हुनेमा बकैया–१२ टरबास बस्ने ६८ वर्षीया ठुलिमाया न्यासुर रहेको मकवानपुरका प्रहरी नायव उपरीक्षक लक्ष्मी भण्डारीले जानकारी दिए ।

उनका अनुसार, दुर्घटना परी गम्भीर घाइते न्यासुरको उपचारको क्रममा हेटौंडा अस्पतालमा बिहान ११ बजे मृत्यु भएको हो ।

यस्तै, सोही दुर्घटनामा परेर मोटरसाइकल चालक सोही स्थान बस्ने ३२ वर्षीय राजकुमार न्यासुर घाइते भएका छन् । उनको हेटौंडा अस्पतालमा उपचार भइरहेको छ ।

मृतक ठुलीमाया राजकुमारको आमा हुन् । प्रहरीले उक्त घटनाको बारेमा प्रहरीले आवश्यक अनुसन्धान गरिरहेको जनाइएको छ ।

• #दुर्घटना
• #मकवानपुर
• #मृत्यु