रियाल मड्रिडका चार खेलाडी पक्राउ
तातो खबर
काठमाडौं । एक यौन भिडियोमा नाबालिगलाई देखाएको भन्दै स्पेनको प्रहरीले रियाल मड्रिडका चार युवा खेलाडीलाई पक्राउ गरेको छ ।
स्पेनको प्रहरीले खेलाडीहरूसँग सोधपुछ गरी उनीहरूको मोबाइल फोनको डाटा जफत गरेपछि छोडिएको बीबीसीले खुलाएको छ ।
यो भिडियोमा देखिने १६ वर्षीया बालिकाकी आमाले क्यानरी टापुमा दायर गरेको उजुरीपछि खेलाडीहरूलाई पक्राउ गरिएको प्रहरीले जनाएको छ ।
रियाल मड्रिडका खेलाडीहरूलाई प्रहरीले क्लबको प्रशिक्षण केन्द्रबाट नै पक्राउ गरेको थियो ।
चार युवा खेलाडी पक्राउ परेपछि क्लबले ‘तथ्यहरूको विस्तृत जानकारी लिएपछि उचित कदम’ चाल्ने बताएको छ । पक्राउ परेका चार खेलाडीमध्ये तीन खेलाडी रियाल मड्रिडको ‘सी’ टिमको र एक खेलाडी ‘बी’ टिमको भएको बीबीसीले जनाएको छ ।
“उनीहरूलाई एक नाबालिगको यौन सामग्री भएको भिडियो वितरण गरेको शंकामा पक्राउ गरिएको थियो,” स्पेनिस प्रहरीका प्रवक्ताले भने ।
उक्त भिडियो ह्वाट्सएपमार्फत शेयर गरिएको प्रहरीले जनाएको छ ।
प्रतिक्रिया दिनुहोस् :
तातोखबर
धेरै हेरिएको
-
आत्महत्या गरेका देवकोटालाई नेपाल इन्भेष्टमेन्ट मेगा बैंकमा उपस्थित हुन ३५ दिने सुचना
-
बैंकका अपरेशन इन्चार्जमाथि प्रभु बैंक गण्डकी प्रदेश अधिकृतको हातपात
-
चन्द्रागिरि हिल्स : धर्मको नाममा लुट्ने मेसो, भालेश्वर मन्दिर दर्शन गर्न कम्तिमा १०० तिर्नुपर्ने
-
तत्कालिन सेञ्चुरी बैंक ऋण दुरुपयोग, प्रभु उच्च व्यवस्थापनको छुट्टै खेल
