२० असार, तातोखबर । काठमाडौं महानगरको सहकारी विभागले महानगरपालिका भित्रका ६८ वटा सहकारी संस्थाहरुले बचतकर्ताको रकम हिनामिना गरेको उजुरिको आधारमा कानुनी कारबाहीको लागि प्रहरीलाई पत्र काटेको छ ।

महानगरले २०७२ सालदेखि २०८० असारसम्म करिब २ हजार ७०० जना बचतकर्ताको १ अर्ब २१ करोड ३८ लाख रुपैयाँ हिनामिना भएको भन्दै जिल्ला प्रहरी परिसर काठमाडौंमा कारबाहीको लागि पत्र पठाएको छ ।

Advertisement:

महानगरको सहकारी विभागले जनाए अनुसार २०७२ र ०७४ सालमा १-१ वटा २०७५ सालमा २ वटा, २०७६ सालमा ५ वटा, २०७७ सालमा ११ वटा र २०७८ सालमा १८ वटा सहकारीबाट बचतकर्ताका रकम हिनामिना भएको भन्दै प्रहरीलाई पत्र पठाएको थियो । त्यसयता सहकारीले रकम अपचलन गरेको संख्यामा उल्लेख्य वृद्धिहुँदै गएको छ । २०७९ पछि मात्रै ३० वटा सहकारीले ३३ करोड ६३ लाख रकम हिनामिना गरेको महानगरले जनाएको छ ।

• #काठमाडौं महानगरपालिका
• #सहकारी