आविष्कारका लागि बजेट छुट्याईने सरकारको प्रतिबद्धतापछि टुङ्गियो महावीर पुनको आन्दोन



काठमाडौं, १८ वैशाख / शुक्रवारदेखि माईतीघर मण्डलामा धर्ना बसेर आन्दोलन गरिरहेका आविष्कार केन्द्रका अध्यक्ष महावीर पुनको आन्दोलन टुङ्गिएको छ । अनुसन्धान तथा विकास, नवप्रवर्तन र आविष्कारका लागि विकास बजेटको एक प्रतिशत रकम छुट्याउन सहमत भएपछि पुनको आन्दोलन टुङ्गिएको हो ।
माइतीघर मण्डलामा धर्नामा बसेका राष्ट्रिय आविष्कार केन्द्रका अध्यक्ष महावीर पुन र सरकारबीच सोमबार सातबुँदे सहमति भएपछि पुनले आन्दोलन स्गगित गरेका छन् । ७ बुँदे सहमती पत्रमा सरकारका तर्फबाट उपप्रधानमन्त्री तथा रक्षामन्त्री पूर्णबहादुर खड्का र आविष्कार केन्द्रका अध्यक्ष पुनले हस्ताक्षर गरेका थिए ।
अनुसन्धान तथा विकास, नवप्रवर्तन तथा आविष्कारसम्बन्धी कार्यहरु एकीकृत रुपमा सञ्चालन गर्न सरकारले कोष स्थापना गर्ने, कोषको व्यवस्थापन तथा सञ्चालनका लागि सरकारले ६० दिनभित्र विधेयकको मस्यौदा तयार पार्ने र संघीय संसदको आउँदो अधिवेशनबाट विधेयक पास गर्ने बुँदाहरु उक्त सहमति पत्रमा रहेका छन् । त्यस्तै सहमति पत्रमा आगामी आर्थिक वर्ष पुँजीगत बजेटको एक प्रतिशत रकम आविष्कारसम्बन्धी कोष जम्मा गर्ने बुँदा पनि समेटिएको छ ।
त्यसैगरी अनुसन्धान तथा विकास, नवप्रवर्तन तथा आविष्कारलाई प्रवद्र्धन गर्न आवश्यक नीतिगत, कानुनी एवं संस्थागत प्रबन्ध गर्ने, आविष्कारबाट उत्पादित वस्तु तथा सेवालाई आवश्यक पर्ने अनुमति, लाइसेन्स लगायतसँग सम्बन्धित कानुनी सुधारमा सहजीकरण गर्ने पनि सहमतिपत्रमा उल्लेख गरिएको छ ।



प्रतिक्रिया दिनुहोस !
ताजा
सम्बन्धित खबरहरु

तातोखबर संवाददाता, काठमाडौँ / सरकारले कुनै पनि सार्वजनिकस्थलको २०० मिटर वरपर चुरोट सुर्ती लगायत धूमपानजन्य पदार्थ बिक्रीवितरणमा रोक लगाए पनि

मकवानपुर – हेटौंडा-४ मा रहेको ब्रह्ममदिक एकेडेमीका विद्यार्थीले खाजा खर्च कटाई एक सामुदायिक विद्यालयमा शैक्षिक सामाग्री सहयोग गरेका छन् ।

तातोखबर, ललितपुर /  नेपाली कांग्रेस महासमिति बैठकमा पार्टीका कोशी प्रदेशका जिल्ला सभापतिहरुले कोशी प्रदेशमा भएको पहिचानको आन्दोलनको विषय उठाएका छन्।