५ बुँदे स्पष्टीकरण दिन निगमलाई मन्त्रालयको निर्देशन
काठमाडौं, २८ चैत्र / विभिन्नि विकृतिका कारणले थलिनै लागेको नेपाल वायु सेवा निगमलाई ५ बुँदे स्पष्टीकरण दिन संस्कृति, पर्यटन तथा नागरिक उड्डयान मन्त्रालयले निर्देशन दिएको छ । मन्त्रालयले सोमवार पत्राचार गरेर ३ दिनभित्र यस्तो स्पष्टीकरण निर्देशन दिएको हो ।
नेपाल वायु सेवा निगमका कार्यकारी अध्यक्ष युवराज अधिकारीलाई ५ बुँदे स्पष्टीकरण पत्राचार गरिएको संस्कृति, पर्यटन तथा नागरिक उड्डयन मन्त्रालयका अधिकारीहरुले आमसञ्चार माध्यमहरुलाई बताएका छन् । मलेसियाको चार्टर उडानबाट नेपाल एयरलाइन्स (नेपाल वायु सेवा निगम) लाई के कति भार थपिएको हो ? दिल्लीमा पांग्रा बिग्रिएर उडान ढिलो भएको र भाडामा पांग्रा लिँदा हुने आर्थिक भारसँगै किन पांग्रा जगेडा नराखिएको र काठमाडौं–दुबई उडानमा को–पाइलट बिरामी हुँदा रोकिएको उडान, त्यसबाट निगमलाई भएको आर्थिक क्षति र के कारणले पाइलट व्यवस्थापन नभएको हो ? भनेर निगमका कार्यकारी अध्यक्ष अधिकारीसँग स्पष्टीकरण मागिएको छ ।
मन्त्री सुदन किरातीले मन्त्रालयको जिम्मेवारी लिएपछि आन्तरिक उडानमा रहेको ट्विनअटर जहाजको उडान तथा ग्राउन्डेड समय र त्यसबाट निगमलाई परेको आर्थिक भारको विषयमा पनि मन्त्रालयले कार्यकारी अधिकारीसँग जवाफ मागेको छ भने विमानस्थलबाट लगेज हराएको विषयमा पनि मन्त्रालयद्वारा स्पटष्टीकरण खोजिएको छ ।
प्रतिक्रिया दिनुहोस् :
तातोखबर
-
१.
गण्डकीमा मन्त्रालय बाँडफाँड : मनाङेलाई भौतिक पूर्वाधार
-
२.
दुई मोटरसाइकल एक आपसमा जुध्दा एकजनाको मृत्यु, तीन घाइते
-
३.
सिद्धबाबा सुरुङमार्गको काम सुस्त, दुई वर्षमा १२ प्रतिशत प्रगति
-
४.
अष्ट्रेलियामा बस्ने नातिको लेखन प्रगतिप्रति ८४ वर्षीय हजुरबा हर्षित
-
५.
भारतमा नेपाली चिया निर्यात रोक्न गुणस्तर परीक्षणको नयाँ बखेडा