काठमाडौं, ६ चैत्र÷ सोमवार देशभर मौसमको स्थिति अस्थिर रहेको छ । पश्चिमी वायुमा आएको प्रभावका कारण मौसम अस्थिर बन्न पुगेको हो ।
जल तथा मौसम विज्ञान विभाग मौसम पूर्वानुमान महाशाखाले बताए अनुसार हाल देशभर आंशिकदेखि सामान्य बदली हुन सक्ने सम्भाभवना रहेको छ । बागमती, गण्डकी, लुम्बिनी, कर्णाली र सुदूरपश्चिम प्रदेशका थोरै स्थानमा मेघ गर्जन÷चट्याङसहित वर्षा भइरहेको छ ।
अपरान्ह सामान्यदेखि पूर्ण बदली रही बागमती, गण्डकी, लुम्बिनी, कर्णाली र सुदूरपश्चिम प्रदेशका पहाडी भू–भागका केही स्थानमा तथा बाँकी भू–भागका थोरै स्थानमा मेघ गर्जन÷चट्याङसहित क्षणिक हल्कादेखि मध्यम वर्षाको सम्भावना रहेको महशाखाले जनाएको छ । पहाडी भेगका केही स्थानमा तथा तराईका थोरै स्थानमा आज रातिसमेत मेघ गर्जन÷चट्याङसहित वर्षाको सम्भावना रहेको महाशाखाको जानकारीमा भनिएको छ ।

Advertisement: