भारतले नेपाल सरकारलाई मिर्गौला डायलासिस गर्ने उपकरण सहयोग
काठमाडौं । भारतले नेपाल सरकारलाई दुई सय वटा मिर्गौला डायलासिस गर्ने उपकरणसहयोग स्वरुप उपलब्ध गराएको छ ।
सोमबार स्वास्थ्य तथा जनसंख्या मन्त्रालयमा एक समारोहकाबीच स्वास्थ्य तथा जनसंख्यामन्त्री पदम गिरीलाई नेपालका लागि भारतीय राजदूत नवीन श्रीवास्तवले उक्त उपकरण हस्तान्तरण गरेका हुन् ।
करिब एक वर्षअघि नेपाल सरकारले भारत सरकारसमक्ष ती उपकरण उपलब्ध गराउन अनुरोध गरेको थियो । समारोहमा बोल्दै स्वास्थ्य तथा जनसंख्यामन्त्री गिरीले उक्त उपकरण उपलब्ध गराएकोमा भारत सरकारप्रति आभार व्यक्त गरे । त्यस अवसरमा उनले २०७२ सालमा गएको विनाशकारी भूकम्प र कोभिड संकटका बेला पनि भारत सरकारले गरेको मानवीय सहयोग नेपाल राष्ट्र र नेपाली जनताले सदास्मरण गरिरहने उल्लेख गरे ।
मन्त्री गिरीले नेपाल-भारतबीचको सम्बन्ध आर्थिक तथा सामाजिक रुपले घनिष्ट रहँदै आएको ऐतिहासिक तथ्यलाई भूल्न नसकिने पनि बताए । उनले भने, ‘म यसका लागि भारतीय राजदुतावासमार्फत् भारत सरकार र भारतीय जनतालाई धन्यवाद दिन चाहन्छु । कृतज्ञता पनि व्यक्त गर्न चाहन्छु । स्वास्थ्य क्षेत्रमा पनि थप सहकार्य गरेर अघि बढ्ने विश्वास दिलाउन चाहन्छु।’
नेपालका लागि भारतीय राजदुत श्रीवास्तवले नेपाली जनताको स्वास्थ्य अवस्थामा सुधार ल्याउने गरी नेपाल सरकारलाई उक्त उपकरण हस्तान्तरण गर्न पाउँदा खुशी लागेको बताए । उनले नेपालसँगको मित्रतापूणर् सम्बन्ध र विकास साझेदारीको कामलाई तीव्रताका साथ अघि बढाउन भारत सरकार सदैव अग्रसर रहेको र रहिरहने प्रतिबद्धतासमेत व्यक्त गरे ।
प्रतिक्रिया दिनुहोस् :
तातोखबर
-
१.
प्रतिनिधिसभा सदस्य टेकबहादुर गुरुङको निलम्बन फुकुवा
-
२.
मलाई फसाउनका लागि कांग्रेसले सहकारी प्रकरण उचाल्यो : गृहमन्त्री
-
३.
कर्णाली प्रदेश: मुख्यमन्त्री नियुक्तिको १५ दिनपछि एक मन्त्रीले लिए सपथ
-
४.
गर्मी समयमा तातो हावा ‘लू’बाट कसरि जोगिने? के नगर्ने?
-
५.
३ महिनामा ३४ हजार एनओसी जारी, अष्ट्रेलिया र जापान धेरैको रोजाईमा