जारी फिफा विश्वकप २०२२ मा तेस्रो स्थानको लागि क्रोयसिया र मोरोक्कोबिच हुने खेल आज राति ८ः४५(नेपाली समयअनुसार) बजे कतारको खलिफा इन्टरनेसनल स्टेडियममा हुने भएको छ ।
फाईनल प्रवेश गरेका अर्जेन्टिना र फ्रान्सले सेमिफाईनलमा क्रमशः क्रोयसिया र मोरोक्कोलाई ३–० र २–० को अन्तरले पराजित गरेका थिए । तेस्रो स्थानको लागि अघिल्लो खेलमा हार व्यहोरेका क्रोयसिया र मोरोक्कोबिच आज खेल हुने भएको हो । सेमिफाईनलमा पहिलो पटक पुगेको मोरोक्को र पुर्व उप–बिजेता क्रोयसिया बिच रोचक प्रतिस्पर्धा हुने देखिएको छ ।
यससँगै यो खेल क्रोएसियाका चर्चित खेलाडी लुका मोडरिचको विश्वकप फुटबलमा अन्तिम खेल पनि हुनेछ ।
