काठमाडौं, ११ मंसिर/ निर्वाचनको मत परिणाम आउनेक्रम सकिनै लाग्दा दलहरु सरकार निर्माणको कसरतमा लागेका छन् । पछिल्लो मत परिणामको अवस्थालाई हेर्दा गठबन्धनमा चुनाव लडेका दलहरुबाट पुन सरकार बनाउन पुग्ने सांसदको संख्या पुग्ने भएपछि सत्ता समीकरणको दिशामा मोडिएका हुन् ।
शनिवार अवेरसम्म दलहरुलाई प्राप्त मतको नतिजालाई हेर्दा गठबन्धनमा रहेका दलहरुले सरकार बनाउन पुग्ने सीट प्राप्त गरेपछि सरकार बनाउने विषयमा ती दलका नेताहरुले छलफललाई तिब्र पारिरहेका खबरहरु आईरहेका छन् । निर्वाचनमा प्रत्येक्ष विजयी उम्मेदवारहरुको संख्यामा समानुपातिक प्रणालीबाट थपिने प्रतिनिधि सभाका सदस्यहरुको संख्या जोड्दा गठनबन्धन नतोडिएको अवस्थामा सरकारमा जान गठनबन्धनका दलहरुलाई अवसर प्राप्त भएको राजनीतिक विष्लेशकहरुको दावी छ ।
सरकारमा जान पुग्ने सदस्यहरुको संख्या निकट रहदै गर्दा नै नेपाली कांंगे्रसका सभापति प्रधानमन्त्री शेरबहादुर देउवा र माओवादी केन्द्रका अध्यक्ष पूर्व प्रधानमन्त्री पुष्पकमल दाहाल ‘प्रचण्ड’ बीच प्रारम्भिक छलफल समेत भईसकेको छ । यसका साथै प्रधानमन्त्री देउवासँग कुटनीतिकस्तरका अधिकारीहरुले समेत भेटघाट बढाउँदै लगेका खबरहरु आईरहेका छन् ।
सरकार बनाउने गृहकार्यमा गठनबन्धनभित्रका ठूला दलहरु विशेष रुपमा अघि बढी सकेका छन् । गठबन्धन दलका अध्यक्षहरुले हार व्यहोर्न नपरेपछि सरकार बनाउन लिनु पर्ने निर्णयमा समेत बाधा नआउने राजनीतिक चर्चा चुलिन थालेको छ ।

Advertisement: