काठमाडौं, ७ मंसिर / फिफा विश्वकपको २२ औं श्रृङ्खला अन्तर्गत कतारको खालिफा अन्तर्राष्ट्रिय खेल मैदानमा जारी समूह ‘इ’ को खेलमा जापानले जर्मनीमाथी रोचक जित हासिल गरेको छ । जापानले ४ पटक विश्वकप विजेता जर्मनलाई २–१ फरकमा हराएको हो ।
विश्वकप फुटबलमा जापानलाई अप्रत्यासित नतिजा दिलाउन खेलाडीहरुले देखाएको साहसलाई खेलप्रेमीहरुले अप्रत्याशित जीत भनेका छन् । समूह इ को खेलमा एसियाली राष्ट्र जापानले एक गोलले पछि परेको स्थिति उल्टाउँदै जर्मनीमाथि अन्तिम १५ मिनेटमा दुई गोल फर्काउँदै ३ अंक जोडे ।
मैदानमा प्रवेश गरेका वैकल्पिक खेलाडीहरु रित्सु दोअन र ताकुमा असानोले जापानको लागि गोल गरेका थिए । यसअघि भएका दुई मैत्रीपूर्ण खेलमा जापानसँग पराजित जर्मनीलाई जापानले विश्वकपमा पहिलो पटक भिड्दा नै जित हात पार्न सफल भएको हो ।

Advertisement: