रास्वपाका सभापति लामिछानेद्वारा निर्वाचन आयोगमा स्पष्टीकरण



भरतपुर, ६ मंसिर / धमाधम चुनावी परिणाम आईरदा उम्मेदवारको विवादस्पद नागरिकताको सम्बन्धमा राष्ट्रिय स्वतन्त्र पार्टीका सभापति रवि लामिछानेले निर्वाचन आयोगमा स्पष्टीकरण पत्र बुझाएका छन् । प्रतिनिधि सभाको निर्वाचनमा चितवन निर्वाचन क्षेत्र २ मा उम्मेदवारी दिएका सभापति लामिछानेले स्पष्टीकरण पत्र बुझाएका हुन् ।
राष्ट्रिय स्वतन्त्र पार्टीबाट प्रतिनिधि सभामा चितवन क्षेत्र नं. २ बाट उम्मेदवारी दिएका पार्टी समापति रवि लामिछाने चुनावी प्रचार प्रसारमा रहदा उम्मेदवार लामिछानेले विदेशी नागरिकता लिएका कारण नेपाली नागरिकता खारेज भएको र त्यहि नागरिकता समावेश गरेर निर्वाचनमा उम्मेदवारी दिएकोले उमैदवारी रद्द गर्न उजुरी परेका कारण उनले निर्वाचन आयोगमा आज स्पष्टीकरण बुझाएको बताइएको छ ।
उजुरीमा नेपाली नागरिकता लिन आवश्यक प्रकृया थालनी नगरिएको र खारेजी भएको नागरिकता पेश गरी उम्मेदवारी दर्ता गराएको विषयमा निर्वाचन आयोगले ७ दिनभित्र स्पष्टीकरण पेश गर्न निर्वाचन आयोगले भनेको कारण उम्मेदवार लामिछानेले उक्त स्पष्टीकरण चितवनका मूख्य निर्वाचन अधिकृतको कार्यालयलाई स्पष्टीकरणपत्र शिलबन्दी गरेर बुझाएको मुख्य निर्वाचन अधिकृतको कार्यालयले जनाएको छ ।
मूख्य निर्वाचन अधिकृतको कार्यालय चितवनमा पेश गरिएको उक्त स्पष्टीकरणपत्र जस्ताको त्यस्तै निर्वाचन आयोगमा पठाईने र यसका निर्णय आयोगले नै गर्ने जानकारी दिईएको छ ।



प्रतिक्रिया दिनुहोस !
ताजा
सम्बन्धित खबरहरु

मकवानपुर – हेटौंडा-४ मा रहेको ब्रह्ममदिक एकेडेमीका विद्यार्थीले खाजा खर्च कटाई एक सामुदायिक विद्यालयमा शैक्षिक सामाग्री सहयोग गरेका छन् ।

तातोखबर, ललितपुर /  नेपाली कांग्रेस महासमिति बैठकमा पार्टीका कोशी प्रदेशका जिल्ला सभापतिहरुले कोशी प्रदेशमा भएको पहिचानको आन्दोलनको विषय उठाएका छन्।

तातोखबर, काठमाडौं / अमेरिकाले गाजामा जारी युद्ध रोक्ने राष्ट्रसंघीय सुरक्षा परिषद्को प्रस्तावलाई भिटो प्रयोग गरेर रोकेको छ । अमेरिकाले भिटो