NTC - FTTH

मनाङबाट प्रतिनिधि सभामा नेपाली कांग्रेसका टेकबहादुर गुरुङ विजयी

Meri Uni Lai - Global IME Bank

चामे, ५ मंसिर / दोश्रो संविधान सभामा मनाङबाट सदस्य निर्वाचित भएका नेपाली कांग्रेसका केन्द्रीय सदस्य पूर्व श्रम तथा रोजगार राज्यमन्त्री टेकबहादुर गुरुङ मंसिर ४ मा सम्पन्न भएको प्रतिनिधि सभा सदस्य पदमा मनाङबाटै निर्वाचित भएका छन् । नव निर्वाचित गुरुङ एमालेका प्रतिष्पर्धी निवर्तमान सांसद पोल्देन छोपाङ गुरुङलाई ३ सय २८ मतान्तरले पराजित गरी निर्वाचित भएका हुन् ।


प्रतिनिधि सभा सदस्य पदका लागि भएको निर्वाचनमा नेपाली कांग्रेसका उम्मेदवार टेकबहादुर गुरुङले २ हजार ५ सय ७५ मत हासिल गरी विजय प्राप्त गरेको जिल्ला निर्वाचन कार्यालय मनाङले जनाएको छ । उनका निकटतम् प्रतिद्वन्दी नेकपा एमालेका उम्मेदवार प्रतिनिधि सभामा निवर्तमान सदस्य पोल्देन छोपाङ गुरुङले २ हजार २ सय ४७ मत प्राप्त गरेका छन् ।
मनाङमा ४ हजार ८ सय ४५ मत खसेको मुख्य निर्वाचन अधिकृतको कार्यालय मनाङले जनाएको छ । कुल ६ हजार ७ सय ७९ मतदाता रहेको हिमाली जिल्ला मनाङ नेपालकै सबभन्दा कम मतदाता रहेको जिल्ला हो । प्रदेश सभा सदस्य पदका लागि मनाङ १ बाट नेपाली कांग्रेसका उम्मेदवार मुनिन्द्रजङ गुरुङले नेकपा एमालेका राजन गुरुङलाई पराजित गरी विजय प्राप्त गरेका थिए भने निर्वाचन २ मा राजिव गुरुङ सर्वसम्मतिबाट प्रदेशसभा सद्रस्य चयन भईसकेका छन् ।
प्रतिनिधि सभामा नेपाली कांग्रेसले मनाङको छिमेकी जिल्ला मुस्ताङबाट विजयको शुरुवात गरी मनाङबाट समेत विजय हात पार्न सफल भएको छ ।

Advertisement:
Daju Bhai Sweets - Hetauda

प्रतिक्रिया दिनुहोस् :

Mahajatra