मल आयातमा स्वीस सिंगापुरले पायो ५ अर्बको ठेक्का
काठमाडौं, २ मंसिर / रासायनिक मल आयात गर्न स्वीस सिंगापुर कम्पनीले ५ अर्ब रुपैयाँको ठेक्का पाएको छ । चैतमा लगाउने धान तथा मकैको सिजनका लागि ५० हजार मेट्रिकटन रासायनिक मल आयात गर्न ठेक्का लागेको हो ।
सम्झौता गर्ने तयारी समेत भईरहेको उक्त परिमाणको डिएपी र युरिया मल आपूर्ति गर्न गत महिना सार्वजनिक बोलपत्र आह्वान गरिएको थियो । उक्त बोलपत्रमा सिंगापुरको कम्पनी स्वीस सिंगापुर छनोट भएको कृषि सामग्री कम्पनी लिमिटेडले जानकारी दिएको छ ।
ठेक्का सम्झौता भएपछि युरिया मल ३० हजार मेट्रिकटन र डिएपी मल २० हजार मेट्रिकटन आयात गरिनेछ । उक्त परिमाणको मल खरिदका लागि झण्डै ५ अर्ब रुपैया लगानी हुने र यो रकम मुल्याङ्कन रकमभन्दा सस्तोमा ठेक्का लागेको कम्पनीका प्रबन्ध सञ्चालक राजेन्द्रबहादुर कार्कीले बताए ।
डीएपी मल प्रति मेट्रिकटन ९ सय ३३ डलर रहेकोमा ८ सय ७८ डलर ४४ सेन्ट र युरिया मल प्रति मेट्रिकटन ४ सय ४७ डलर मूल्यांकन रहेकोमा स्वीस सिंगापुरले ७ सय ४० डलरमा सबै भन्दा कम मूल्यमा खरिद प्रस्ताव गरेको थियो ।
प्रतिक्रिया दिनुहोस् :
तातोखबर
-
१.
गण्डकीमा मन्त्रालय बाँडफाँड : मनाङेलाई भौतिक पूर्वाधार
-
२.
दुई मोटरसाइकल एक आपसमा जुध्दा एकजनाको मृत्यु, तीन घाइते
-
३.
सिद्धबाबा सुरुङमार्गको काम सुस्त, दुई वर्षमा १२ प्रतिशत प्रगति
-
४.
अष्ट्रेलियामा बस्ने नातिको लेखन प्रगतिप्रति ८४ वर्षीय हजुरबा हर्षित
-
५.
भारतमा नेपाली चिया निर्यात रोक्न गुणस्तर परीक्षणको नयाँ बखेडा