जलेश्वर । महोत्तरीको गौशाला नगरपालिकाको प्रमुख र उपप्रमुखमा जनता समाजवादी पार्टी (जसपा) नेपाल निर्वाचित भएको छ ।

गौशाला नगरपालिकाको प्रमुखमा जसपाका दिपेन्द्र महतो र उपप्रमुखमा रेणु कुमारी महतो निर्वाचित भएका छन् ।

Advertisement:

शनिबार विहान सम्पन्न मतगणना परिणाम अनुसार गौशाला नगरपालिकाको प्रमुख पदका उम्मेदवार महतो ८७९९ मत ल्याएर निर्वाचित भएका हुन् । उहाँका निकटतम प्रतिद्वन्द्वी नेकपा (माओवादी केन्द्र)का बिष्णुबहादुर योञ्जन ५६२७ मत प्राप्त गरेका छन् ।

त्यस्तै, नेपाली कांग्रेसका उम्मेदवार बसन्त गुरुङले ५१३२ मत प्राप्त गरी तेस्रोत हुनुभएको छ । प्रमुख महतो आफ्ना निकटतम प्रतिद्वन्द्ीभन्दा ३१७२ मतान्तरले विजयी भएका हुन् ।

गौशाला नगरपालिकाको उपप्रमुख रेणुले ८४५५ मत प्राप्त गरी निर्वाचित भएका हुन् भने उनका निकटतम प्रतिद्वन्द्वी नेकपा (माओवादी केन्द्र)का जनक दुलारी साहले ५४९० मत प्राप्त गरेका छन् ।

नेपाली कांग्रेसबाट उपप्रमुखका उम्मेदवार सुसिला देवीले ५०४७ मत प्राप्त गरेकी छिन् । उपप्रमुख रेणु कुमारी महतो २९६५ मतान्तरले विजयी भएकी हुन् ।

यसैगरी, १२ वडा रहेको गौशाला नगरपालिकाको वडाहरुमा मिश्रत परिणाम आएको छ ।