ललितपुर महानगर प्रमुखमा चिरीबाबु र उपप्रमुखमा मञ्जलीको अग्रता कायमै

तातो खबर

२०७९ जेष्ठ ३

ललितपुर । ललितपुर महानगर प्रमुखमा ८५३४ मतसहित नेपाली काँग्रेसका उम्मेदवार चिरीबाबु महर्जनको अग्रता कायमै रहेको छ । यसैगरी, ४३३५ मतसहित उपप्रमुखमा नेकपा (एमाले)की मञ्जली शाक्य बज्राचार्यले समेत अग्रता कायमै राखेकी छिन् ।

प्रमुखमा नेकपा एमालेका हरिकृष्ण ब्यञ्जनकार ३७८५ मतसहित दोस्रो र राष्ट्रिय प्रजातन्त्र पार्टीका अष्टबहादुर महर्जन ७९५ मतसहित तेस्रो स्थानमा छन् । त्यस्तै उप प्रमुखमा नेकपा माओवादी केन्द्रका बाबुराम बज्राचार्यले २७९४ मतसहित दोश्रो र राष्ट्रिय प्रजातन्त्र पार्टीका स्वणर्िमा शाक्यले १४२४ मतसहित तेश्रो स्थान कायम राखेका छन् ।