सडकको नालीमा परेर गैंडा मर्याे

चितवन, ९ माघ/चितवनमा बनाउदै गरिएको सडकको नालीमा परेर एक भाले गैंडाको मरेको छ । चितवनको हेटौंडा–नारायणगढ सडकखण्ड अन्तर्गत गोन्द्राङमा बन्दै गरेको सडकको नालीमा परेर गैंडा मरेको हो ।
आईतवार दिउँस उक्त स्थानमा सडकको नालीमा परेर गैंडा मरेको जिल्ला वनकार्यालय चितवनले जनाएको छ । जिल्ला कार्यालय चिनवनका सूचना अधिकारी बालकृष्ण खनालले आमसञ्चारकर्मीहरुलाई दिएको जानकारी अनुसार बन्दै गरेको टिकौली जंगलस्थित सडक ६ लेनको सडकको खसेको गैंडा चितवन राष्ट्रिय निकुन्जको मध्यवर्ती क्षेत्रबाट आएको हुन सक्छ ।
सडक बनाउँदा जंगली जनावरको आवतजावतलाई ध्यान नदिई संरचना बनाउँदा आइतबार गैंडा नालीमा खसेको उनले बताए । गैंडा नालीमा खसेको देखेर स्थानीयले प्रशासनलाई खबर गरेका थिए ।