काठमाडौं । काठमाडौं कीर्तिपुरमा १३ वर्षीया बालिकामाथि बलात्कार गरेको आरोपमा एक जना युवालाई प्रहरीले पक्राउ गरेको छ।
प्रहरीले मकवानपुर कैलाश गाउँपालिका १० घर भएका र हाल कीर्तिपुर नगरपालिका ५ पाँगा लाछी बस्दै आएका २० वर्षीय साजन प्रजालाई पक्राउ गरेको प्रहरी प्रधान कार्यालयले जनाएको छ।
उनलाई प्रहरीले बुधबार राति पक्राउ गरेको हो। प्रजाले बालिकालाई ललाइफकाइ आफ्नै कोठामा लगेर जबरजस्ती करणी गरेका थिए।
त्यहाँ लगेर जबरजस्ती करणी गरेको भन्ने खबर प्रहरीले पाएको थियो। सो खबर पाएपछि प्रहरी वृत्त कीर्तिपुरबाट खटिएको टोलीले उनलाई पक्राउ गरेको हो।
यस घटना सम्बन्धमा प्रहरीले थप अनुसन्धान अघि बढाएको छ।
