काठमाडौँ, २४ भदौ / सरकारले सरकारी कार्यालयको खाजा खाने समय ३० मिनेट तोकेको छ । यसअघि खाजा खाने समयमा सेवाग्राहीका काम रोकिएको गुनासो आएपछि सरकारी कायालयहरुको खाजा खाने समय ३० मिनेट कायम गरिएको हो ।

सामाजिक सञजालमार्फत प्रधानमन्त्री केपी शर्मा ओलीले सरकारी कार्यालयहरुमा कार्यरत कर्मचारीहरुको खाजा समय ३० मिनेट तोकिएको जानकारी दिएका छन् । सामाजिक सञ्जालमार्फत प्रधामनमन्त्री ओलीले भनेका छन् ‘सरकारी कर्मचारीहरुले पनि खानुपर्छ, तर खाजा खाने नाममा धेरै समय कार्यालयको काम रोकिनुहुँदैन, कतिपय सरकारी कार्यालयमा खाजा समय एक घण्टा लिने गरेको पाइएकाले त्यसबाट घटाएर हरेक दिन १ः३० देखि २ बजेसम्म कायम गरिएको छ ।’

Advertisement:

उनले कार्यालयको खाजा समयको नियमलाई उल्लङ्घन गरेको पाइएमा हेल्लो सरकारमा गुनासो गर्न अनुरोधसमेत गरेका छन् ।

• #कर्मचारी
• #खाजा
• #समय