आक्रमण गर्दै रुसी भूभाग छिरेको युक्रेनी सेनालाई अमेरिकाले थप हतियार सहयोग गर्ने भएको छ। यसअघि पटकपटक हतियार सहयोग गरेको अमेरिकाले पछिल्लोपटक १२५ मिलियन डलर बराबरको प्याकेज घोषणा गरेको हो ।

राष्ट्रपति भोलोमिदिर जेलेन्स्की र अमेरिकी राष्ट्रपति जो बाइडेनबीचको टेलिफोन वार्तापछि अमेरिकाको नयाँ प्याकेज सार्वजनिक भएको हो। पेन्टागनका अनुसार नयाँ प्याकेजमा वायु रक्षा प्रणाली, ट्यांक तथा एन्टिमिसाइल प्रणाली लगायत छन्।

Advertisement:

बाइडेनले विज्ञप्ति जारी गर्दै युक्रेनविरुद्धको युद्धमा रुसको हार हुने ठोकुवा गरेका छन्। उनले स्वतन्त्रताको लडाईँ युक्रेनले जित्ने र त्यसमा आफूहरूको सहयोग सधैँ रहने जनाएका छन्।

सन् २०२२ को फेब्रुअरीदेखि युक्रेनमा आक्रमण जारी राखेको रुसविरुद्ध पछिल्लो तीन हप्तायता युक्रेन केही प्रतिकारात्मक देखिएको छ । रुसको कुस्र्क क्षेत्रमा प्रवेश गरी युक्रेनी सेनाले दुईवटा रणनीतिक पुल ध्वस्त पारेको छ भने अरु भौतिक संरचनासहित केही भूभाग कब्जा गरेको छ ।

• #अमेरिका
• #युक्रेन
• #रुस-युक्रेन
• #हतियार