राष्ट्रियसभाको बैठक सूचना टाँसेर स्थगन

काठमाडौँ / राष्ट्रियसभाको बैठक सूचना टाँसेर स्थगन भएको छ। बैठक आज अपराह्न १ : १५ बजेका लागि तय भएको थियो । बैठक विशेष कारणले स्थगन भएको सङ्घीय संसद् सचिवालयले जनाएको छ।

अर्को बैठक आइतवार अपराह्न १ : १५ बजे बस्ने जारी सूचनामा उल्लेख छ। आजको बैठकमा बजेट आश्रित तीन विधेयक पारित गर्न अर्थमन्त्री वर्षमान पुनले प्रस्ताव प्रस्तुत गर्ने कार्यसूची रहेको थियो।

Advertisement:

प्रतिनिधिसभाबाट पारित भई सन्देशसहित प्राप्त आर्थिक विधेयक, २०८१, राष्ट्र ऋण उठाउने विधेयक, २०८१ र भन्सार महसुल विधेयक, २०८१ लाई राष्ट्रियसभाबाट  पारित गर्ने कार्यसूची नयाँ सरकार गठन गर्न दुई प्रमुख दलबीच समझदारी भएसँगै प्रभावित भएको छ।

संस्कृति, पर्यटन तथा नागरिक उडड्यनमन्त्री हितबहादुर तामाङले ‘अभिलेख संरक्षण (पहिलो संशोधन) विधेयक, २०७७ सम्बन्धमा प्रतिनिधिसभाबाट भएको संशोधनलाई सहमति गरियोस्’ भन्ने प्रस्ताव प्रस्तुत गर्ने कार्यसूची थियो।

प्रतिक्रिया दिनुहोस् :

itlization-information-technology-seo-mobile-application