NTC App - Ad

क्यानडाले अमेरिकालाई दियो १९५ रनको लक्ष्य

Canada-usa

तातोखबर, काठमाडौं / आईसीसी टी-२० विश्वकप क्रिकेटको उद्घाटन खेलमा क्यानडाले घरेलु टोली अमेरिकालाई १ सय ९५ रनको लक्ष्य दिएको छ।

डल्लासको ग्राण्ड प्रेरी मैदानमा सुरु भएको खेलमा टस हारेर पहिले ब्याटिङमा आएको क्यानडाले पूरै २० ओभरमा ५ विकेटको क्षतिमा १ सय ९४ रन जोड्यो । उसका लागि नवनीत धालिवालले ६१ र निकोलस किर्तनले ५१ रनको अर्धसतकीय पारी खेले । त्यस्तै आरोन जोनसनले २३ तथा श्रयस मोभ्भाले ३२ रनको योगदान गरे ।

Advertisement:Canada-usa

अमेरिकाका अली खान, हर्मित सिंह र कोरी एन्डर्सनले एक-एक विकेट लिए । अमेरिका केहीबेरमा जवाफी ब्याटिङमा उत्रिँदैछ ।

वेस्ट इन्डिज र अमेरिकाले संयुक्त रुपमा आयोजना गर्ने प्रतियोगिता एक महिनासम्म चल्नेछ । वेस्ट इन्डिजले दोस्रोपटक विश्वकप आयोजना गर्न लागेको हो भने अमेरिकाले पहिलो मौका पाएको हो । प्रतियोगितामा पहिलोपटक २० टोलीले प्रतिस्पर्धा गर्दैछन् । पछिल्लो संस्करणमा १६ टोलीको मात्र सहभागिता रहेको प्रतियोगितामा यसपटक ४ टोली थपेर २० टोलीमा पुर्याइएको हो ।

सहभागी २० टोलीमा सन् २०२२ को विश्वकपको शीर्ष आठ र टी-२० वरीयताको आधारमा दुई टोलीले सिधैं स्थान बनाउँदा अन्य ८ टोली क्षेत्रीय छनोटबाट स्थान बनाएका हुन्।

यस्तै वेस्ट इन्डिज र अमेरिका आयोजकको रूपमा सिधैं विश्वकप खेल्न पाएका हुन्। आयोजक अमेरिकासँगै क्यानडा र युगान्डाले पहिलोपटक विश्वकप खेल्दैछन्। सहभागी २० टोलीलाई ४ समूहमा विभाजन गरिएको छ । नेपाल समूह ‘डी’मा रहेको छ।

Daju Bhai Sweets - Hetauda

प्रतिक्रिया दिनुहोस् :