तातोखबर, काठमाडौं / जंगलमा लागेको आगो निभाउने क्रममा धादिङमा एक जनाको मृत्यु भएको छ। दक्षिणी धादिङको बेनीघाट रोराङ गाउँपालिका-२ ताल्ती निवासी ५२ वर्षीय खामबहादुर थापा मगरको मृत्यु भएको हो।

मृतक थापा मगर भालुखोप भन्ने स्थानको रातामाटे जंगलमा डढेलो सल्केपछि निभाउने क्रममा लडेर घाइते भएका थिए । डढेलो निभाउने क्रममा लड्दा उनी करिब २० मिटर तल खसेको प्रहरीले जनाएको छ।

Advertisement:

स्थानीयले उद्धार गरी अस्पताल लगेपछि उपचारका क्रममा उनको मृत्यु भएको प्रहरीले बताएको छ।

• #आगो
• #जंगल
• #मृत्यु