NTC App - Ad

काठमाडौँमा ५ किमी लामो ह्विलचियर दौड

wheel_chair_race_kathmandu

तातोखबर, काठमाडौँ / बोधिसत्व इन एक्सन् (बीआइए) इन्स्टिच्युटको आयोजनामा अपाङ्गता भएका व्यक्तिहरुको सहभागितामा ५ किमी लामो ह्विलचेयर दौड प्रतियोगिता सम्पन्न भएको छ ।

काठमाडौँको भृकुटीमण्डपबाट सुरु भई भद्रकाली, सहिद गेट, न्यूरोड गेट, रानीपोखरी, जमल, दरबारमार्ग हुँदै भृकुटीमण्डपमा आएर समापन भएको थियो ।

Advertisement:wheel_chair_race_kathmandu

प्रतियोगितामा महिला र पुरुष गरी दुई समूहको अलगअलग प्रतिस्पर्धा भएको आयोजकले जनाएको छ। प्रतियोगितामा करिब दुई सय जनाले सहभागिता जनाएका थिए ।

प्रतियोगिता उद्घाटनमा अन्तर्राष्ट्रिय अपाङ्गता अधिकारसम्बन्धी संयुक्त राज्य अमेरिकी विशेष सल्लाहकार सारा मिङ्कारा, नेपालका लागि अमेरिकी राजदूत डीन आर थम्पसनलगायत सहभागी थिए ।

मिङ्कारा हाल आफ्नो तीनदिने नेपाल भ्रमणका क्रममा आएकी हुन्। भ्रमणका क्रममा उनले सरकारी अधिकारीहरू, अपाङ्गता भएका व्यक्तिका लागि वकालत गर्ने नागरिक समाज संस्थाहरू र अमेरिकी सरकारको शैक्षिक आदानप्रदान कार्यक्रमका सहभागीसँग भेटघाट गरेकी छिन् ।

Daju Bhai Sweets - Hetauda

प्रतिक्रिया दिनुहोस् :